मधुमेह,उच्चरक्तचाप,रक्तअल्पता, मानसिक समस्या तथा अन्य नसर्ने रोगहरुको स्क्रिनिङ कार्यक्रम
प्रदेश आयुर्वेद चिकित्सालय, प्रदेश अस्पताल र प्रदेश जनस्वास्थ्य कार्यालय बेसीशहर लमजुङको संयुक्त आयोजनामा मर्स्याङ्दी गा.पा.-४, रामवजार, लमजुङमा मिति २०८२/१२/२२ र २३ गते २ दिन मधुमेह, उच्चरक्तचाप, रक्तअल्पता, मानसिक समस्या तथा अन्य नसर्ने रोगहरुको स्क्रिनिङ कार्यक्रम सम्पन्न भएको छ।पहिलो दिन कार्यक्रमको औपचारिक शुरुवात संगै बिभिन्न जाँचहरु CBC, Blood Glucose Level, KFT, LFT, Lipid Profile, Urine dipstick आदिको लागि Sample Collection गरिएको थियो साथै BMI, Waist Circumference, Blood pressure समेत जाँच गरिएको थियो । त्यसै गरी दोस्रो दिन रिपोर्ट वितरण, पहिचान गरिएका उच्च जोखिम समूहलाई परामर्श, योग अभ्यास ध्यान प्राणायाम, आयुर्वेद एवं योगमा आधारित जीवनशैली प्रशिक्षण तथा आयुर्वेद औषधोपचारको लागि प्रेशण गर्ने कार्य गरिएको थियो। साथै प्रदेश अस्पतालले रिपोर्ट अनुसारका केहि औषधि समेत वितरण गरेको थियो। उक्त कार्यक्रममा १०० जना भन्दा बढीको स्क्रिनिङ गरिएको थियो।जसमध्ये अधिकांशमा उच्चरक्तचाप र मोटोपन केहिमा मानसिक समस्या रहेको पाइएको थियो।कार्याक्रममा प्रदेश जनस्वास्थ्य कार्यालयले ब्यवस्थापन, प्रदेश अस्पतालले प्रयोगशाला सेवा र प्रदेश आयुर्वेद चिकित्सालयद्वारा योग अभ्यास तथा जीवनशैली परामर्श सेवा प्रदान गरिएको थियो ।
Download: मधुमेह,उच्चरक्तचाप,रक्तअल्पता, मानसिक समस्या तथा अन्य नसर्ने रोगहरुको स्क्रिनिङ कार्यक्रम
31